Kurt Hjemdal kjem for 5. år på rad!

Kommande helg, 06-08 mars, har me igjen gleda av å ønske velkommen til
Bibelhelg med Kurt Hjemdal her på Fogn! Dette er 5. året på rad den tidlegare rektoren på bibelskulen i Grimstad kjem til Fogn.

Tema og tekstar for helga er alle henta frå Efeserbrevet,- også kalt
Kyrkjebrevet og som i si samtid truleg var tiltenkt alle kyrkjelydane
i Litleasia

Fredag.       kl 19.30    Ef 1 1-2,10 : Velsignelsen i Kristus.
                                    - Sang av Anne Østhus

Laurdag      Kl 18.00   Ef 2,11-3,1 : Han er vår fred.
                                   -Kaffepause
                   Kl 19.30   Ef 4, 1-6,9 : Der det nye livet lever.
                                   - Sang av June Hovda

Søndag.     Kl.10.30   Gudsteneste i kyrkja    Ef. 6,10-18 ( søndagens tekst )
                                  - sang av Kyrkjekoret
                                  - Kollekt til Normisjon

Så er du hjertelig velkommen til Bedehus og kyrkja denne helga!

Normisjon

Knallstemning då VM, og tippekonken vart avslutta!

Søndag 1. mars inviterte Fogn IL til VM-5-mil på storskjerm og open gymsal for dei som heller ville VERE aktive, framfor å SJÅ PÅ aktive. I tillegg var det servering av lappar, frukt, chips, kaffi og sjokolade, så det var berre å leggje turen til oppvekstsenteret etter søndagsmiddagen!

Omlag 30 personar møtte opp og laga god stemning både foran storskjermen og i gymsalen! Framsidebiletet i denne saka er knipsa omlag 2 sekunder etter at Petter Northug har gått i mål og vunne sitt fjerde gull i Falun, og slik sett gitt Noreg ein perfekt avslutning på eit fantastisk meisterskap!

Når meisterskapet er slutt, er også Fogn.org sin tippekonk over. Her var det til slutt Karl Magne Frafjord som trakk det lengste strået, og vann med 86 poeng, rett foran Julie Bø som hadde 85 poeng. Karl Magne fekk eit velfortent bevis på sigeren, ei innramma resultatliste som syner at han var betre enn 48 andre personar til å tippa norske resultater i ski-VM! 

Den endelege resultatlista i vår VM-konkurranse finn du ved å klikka HER.

Dei to kongane i årets VM på ski, Petter Northug og Karl Magne Frafjord, side om side.

Flott visekveld med Dag Olav!

"Stinn brakke", eller i alle fall det rimelig fullt på Ottohuset fredag kveld,
då Dag Olav gav oss frammøtte ein fantastisk flott kveld med
sine eigenkomponerte tekstar med tonefølge.
Frå sitt eige sanghefte " Livet braut seg inn og braut meg opp. Ikkje
ned" fekk me fylgja Dag Olav der han nærast sang seg gjennom store
deler av livshistoria si.
Med "fengslande" småprat mellom dei 24 sangene og visene han framførte,
så delte han opent og sårbart frå dei ulike livsfasane ,som
tekstar og melodiar var blitt til i, heilt frå 1980 og fram til i dag.
Han sang om ungdommens opprør, kjærleik og lengsel. Om manndomens tap,
sorg, håp og varme. Og om pur glede over livet som vert til i møte med
kverandre
Dag Olav fekk masse godord og velfortent ståande applaus etter konserten!
Takk for ein sterk og flott kveld!

Sjå eit par små smakebitar frå konserten i videoen under!

Tekst, foto og video: Joar Sandanger

Stor "happening" på gang!

Vi er snart i mars månad, og dette er månaden når vesle Fogn får besøk av dei amerikanske gospelartistane Angela Primm, og Elsa Harris (pianist). Konsertarrangørane vil kome med meir informasjon her på Fogn.org når konserten nærmar seg, men i første omgang må folk berre sette av onsdag 18. mars frå klokka 18.30 og utover, dersom dei vil få med seg ei sjeldan oppleving i Fogn kyrkje!

Sjå kva folk tippa, og korleis det går!

I dag starta VM på ski i Falun, og med det starta også tippekonkurransen på Fogn.org! 49 deltakarar har tippa kva som vert den beste norske plasseringa i alle konkurransane, og kva for ein utøvar som står for denne prestasjonen. I dag var det heile 16 deltakarar som hadde tippa gull til både Petter Northug og Marit Bjørgen, men etterkvart som vi kjem lengre inn i meisterskapet, vil det nok ikkje forbli 16-delt førsteplass... 

Du kan sjå kva alle har tippa, og korleis det ligg an ved å klikke på DENNE LENKA!

"Ut og eta" på Fogn i helga?

Ein gong i året er det mogleg å gå "ut og eta" på Fogn. Det er når helselaget arrangerer sundagskafè på Fogn oppvekstsenter, og årets "happening" går av stabelen sundag 22. februar frå 13.00-15.00. I år er det skinkesteik med surkål, kjøttkaker med ertestuing og pøler i brød som står på menyen. I tillegg melder Reidunn Østhus i Fogn helselag om at det vert eit variert dessertbord og kaffi.

Prisane vert:

150 kr per person for middag
50 kr for born under skulealder (middag)
20 kr for pølse i brød
500 kr er makspris per familie

Alle er hjarteleg velkomne til å gå ut og eta på sundag!